Za A Yi Zaben Kananan Hukumomi A Watan Fabrairu, 2025 A Jihar Katsina

Daga Imrana Abdullahi

Hukumar Zabe mai zaman kanta ta Jihar Katsina ta sanar da ranar 15, ga watan Fabrairu, 2025 a matsayin lokacin da za a gudanar da zaben shugabanni da Kansilolin a suk fadin Jihar.

 Shugaban hukumar Lawal Faskari ne ya bayyana hakan a wajen wani taron manema labarai da ya kira a Katsina da ya samu halartar wakilan jam’iyyu da jami’an tsaro a Jihar.

Ya ce an yi wannan sanarwar ne domin tabbatar da abin da doka ta tanadar a harkar zabe.

A lokacin zaben kananan hukumomin ana saran samun zaben shugabannin kananan hukumomi 34 da Kansiloli 361 a daukacin kananan hukumomi 34 na Jihar.